रामदेवको योग शिविरमा राष्ट्रपति, मन्त्रीदेखि हजारौं टुँडिखेलमा

काठमाडौं, वैशाख ११ । भारतीय योगगुरु बाबा रामदेवको उपस्थितिमा काठमाडौंको टुँडिखेलमा शुक्रबार विशेष योग शिविर सन्चालन भएको छ । शिविरका लागि एकाबिहानै राष्ट्रपति डा. रामवरण यादव, मन्त्रीदेखि हजारौं मानिसहरु टुँडिखेल पुगेका थिए ।

भारतका प्रसिद्ध योगगुरु रामदेवको उपस्थितिमा सुरु भएको शिविर उद्घाटन गर्दै राष्ट्रपति डा. यादवले स्वास्थ्यका लागि

योग महत्वपूर्ण हुने बताए ।

योग शिविर सुरु गर्दै रामदेवले नेपालमा छिटै संविधान आउन सकोस् भन्ने कामना गरे । नेपाल र नेपालीको प्रशंसा गर्दै रामदेवले हजारौं भक्तजनलाई योग सिकाएका हुन् ।

पतञ्जली योगपीठ नेपालको आयोजनामा योग शिविर सन्चालन भएको हो । योग र आयुर्वेदको माध्यमबाट नेपालीलाई शारीरिक तथा मानसिक आरोग्यता प्रदान गरी उनीहरूमा सकारात्मक भावनाको विकास गर्ने उद्देश्यले शिविर गरिएको योगपीठले जनाएको छ ।

५ दिने योग शिविर बिहान ५ बजेदेखि ८ बजेसम्म शिविर चल्नेछ । रामदेवले वैशाख १६ गते बिहान जनकपुरमा पनि योग शिविर चलाउने कार्यक्रम रहेको छ ।

- See more at: http://imagekhabar.com/samachar/detail/47562/29/.shtml#sthash.n3q2p9xk.uPNCBC3T.dpuf