बिहे नगर्ने प्रियंकाको प्रण

अभिनेत्री प्रियंका कार्कीले फेरि बिहे नगर्ने प्रण गरेकी छिन् । उनले शुक्रबार प्रकाशित हुने कान्तिपुर साप्ताहिकसँगको कुराकानीमा फेरि बिहे नगर्ने उद्घोष गरेकी हुन् । 

 

प्रियंकाले कुराकानीमा भनेकी छिन्, ‘बिहे भन्ने शब्दसँग मेरो खासै ट्यूनिङ मिल्ला जस्तो लागेन । सायद अब बिबाह गर्दिन होला ।’ मिस टिन बिजेता प्रियंकाको पहिलो बिबाह असफल भएको थियो । 

 

प्रियंकाले रोचक मैनालीसँग सन् २०१०मा विवाह गरेकी थिइन् जुन तीन वर्ष पछि सन् २०१३मा तोडिएको थियो । वैवाहिक सम्बन्ध असफल भएपछि नेपाल आएकी प्रियंका त्यसयता नेपाली फिल्ममा सबैभन्दा व्यस्त अभिनेत्री बनेकी छिन् । अझ भनौं, उनलाई बैबाहिक सम्बन्ध बिच्छेद फापेको छ । 

 

बिबाह नगर्ने प्रणलाई उनले साँच्चिकै सार्थक तुल्याउँछिन् कि बीचमै तोड्छिन् त्यो त भविष्यले नै बताउला । तर, सेलिब्रेटीहरु आफूले भनेका कुरा केही बर्ष नपुग्दै उल्ट्याउन पनि उत्तिकै माहिर मानिन्छन् ।